Kaban perut jani menyadi perut ikan

apu...... lama udah ku enda nyenguk ruang blog ku tu...... semampai sibuk belama.. palai gawa lelak nyau ka ngenat kediri empu gak..... berasai lelak aku sem tu laban kami ke enda tama kelas.. praktikal sepemanjai sem...
malam tu meda mata ti bedau ka pejam agi nya nyau nemuai dulu ngagai ruang blog... eehhh, nyau enda berasai nyau bulan 10 udah diatu.. nda lama agi nyau ka abis gak taun..... taun depan nyau abis gak ku belajar.. nadai berasai nyau 2 taun udah diau ba menua orang ngiga penemu.. asai ke kemari baru datai ditu...
dalam pengelama udah ku diau mayuh macam bangsa ensia udah di temu ku.. amat munyi ko pepatah laut ti madah ka buk sama chelum tang ati lain- lain... tang diatu mayuh chura cat buk bala... nadai entu bala ti chelum buk diatu.. nyau pirang magang chura buk...
ku paling enda rindu enti kaban makai kaban diri empu... sepemanjai ku diau ba menua orang ditu mayuh endar bala kaban ke bansa nya..... nya aku ti bai sia bejalai te lembau endar asai anak ati...  lagi alu nuan nyadi apai sali... masuk endar ngubu pangan... sekali nuan meri kedua kali nya alu ngambi kediri empu kaban... nadai cecamang orang empu wai.... te baka ke bisi enggau kunsi nya meh....
manah ti nemu nulung maya tusah.. tu nadai.. ngaga diri bengal enggau buta orang empu.. ya maya sida beguna kitai nya baru enda tau enda kitai nulung.... udah nya lagi ti nyema kitai ngalu meli pemakai ke empa diri empu nadai nyangkung sida alu emperengut mua baka mua ari ti ka ujan.. alu enggai nanya nuan... ti bepansa tempuh aja tudah kaban tu tadi baka ke nadai orang enggau bepansa... te iran ati ku kadang- kadang... enda malu sida iya ringat ke utai orang.. enti te bisi ngau kunsi meli engka gak agi.... nya siti agi ti bisi orang ka belanja makai seneka ngudar nitih ke peneka ati enda ngira orang nya bisi mai duit mayuh... ai semetik sigi enda tau tinggal udar kaban... ka endar ngirup ai semetik tang enda kala meli kediri empu... sanggup ngiga sapa orang ka sponsor ti udah ka ngirup.. ta nako- nako... ngumbai nya nadai duit enda patut... nadai orang di pelanja gak jauh agi ti meri apai indai sida belanja keba minta ka agi...  nya nyamai agi jarang begulai enggau sida... nadai tan nupi sida belama...
arap ka sida nemu berubah meh dudi ari.......

Cherita Nurun Sekula

Tu siti da agi pengingat lama ti selalu ngasuh aku tuchum kediri enti lebuh aku ngenang.. Enti meda orang ngena ensikal nganjung anak besekula ka labuh asai ai mata meda penusah sida tang bisi ga aku tuchum kediri. aku siko anak mit ti ka endar nepan ensikal nyentuk ka diatu meh. taja pia alu bedau entu nemu iga gak ku mai ensikal. maya aku sekula suba maya nya aku taun 1.  mya nya apa aku gawa ke brunei. laban ti nadai orang nganjung aku nurun ka sekula nyadi aku asuh mak aku numpang apai batut laban apai batut ke bisi motosikal maya nya. tang meh aku tu tadi ka agi numpang ensikal apai kuin.... gagit ati aku nepan ensikal...  dia nuan berunding bala akmi ke nepan ensikal nya bisi 5 iku..... bala kami iya nya apai kuin, indai kuin, menyadi kuin ke lelaki, kuin enggau aku. tang meh ulih meh apai kuin mai kami. bedau agi tambah sayur.... ti ka di jual apai kuin. nyau penyampau nepan siti kancil pemayuh tubuh bala kami. mak ku enda ngasuh numpang apai kuin kasih ka tudah mai kami bala mayuh enyau nyabak aku mangka kediri empu ka nepan ensikal nurun sekula. akai deh indai tusah endar gak laban aku tu...  maya aku taun 2 apa aku empu nganjung aku nurun sekula laban iya ti nadai agi gawa di brunei.... start taun 3 sampai ke taun 6 aku bemalam ba buding. terubah aku bemalam ba buding tiap ari mak enggau apa aku ngusung aku ngagai sekula. sigi ninting ari aku nyabak. laun 5 minit mak enggau apa aku bedau datai udah reruie aku nyabak.... penyauh rumah enggau sekula sema jaku ka sejengkal aja.. bisi la dalam 4 minit nya penyauh sekula enggau rumah....  akai deh tusah- tusah laban aku tu. datai ba pom 1 aku berundang semina seminggu aja udah nya aku diau ba buding.... maya masuk pom 2 aku berundang numpang sida apai kuin baru laban maya nya kuin udah pindah besekula baru ba Betong.. maya nya sida udah bisi meli kancil. hehehehe... sepemuas ke berundang nyau mulan ka diau ba buding baru kami duai kuin.. kami duai semina tan diau ba buding semina 2 minggu aja udah nya minta berundang baru kami duai. masuk pom 3 aku masuk buding baru laban ti bisi kelas maya lemai....  kuin sigi agi meruan berundang. enda betah iya diau ba buding. maya pom 4 aku berundang baru. nurun sekula aku numpang sida apai kuin baru. masuk pom 5 aku start bemalam ba buding udah bulan 6 laban maya nya kami udah start kelas tambahan. lelak cigu menchon meda gamal aku tu berundang bemalam ba buding. mua aku tu aja- aja nulis surat permohonan. maya benung nganti result keluar minta keja belah pasar betong kami duai kuin apai ea baru meh nganjung ngambi tudah kami duai kuin. ari aku mit nyentuk ka aku besai aku numpang apai kuin. ari basikal nyentuk ka bisi kerita ku enggau sida apai kuin. besai jasa apai kuin ba aku..

Juluk ati aku suba

Enti bekenang pasal cherita juluk ati kadang- kadang senyum kediri tudah aku...... Mula ari taun 1 kitai asuh bala cigu ngisi juluk ati ba bup ti cat kuning nya... enda ingat aku penama bup kuning nya....
ko aku suba ti kereja ba mua iya mesti bisi tukang... juluk ati aku taun 1 iya nya ka nyadi tukang kebun,  tukang masak enggau tukang guntin... hahahaha..... masuk taun 2 juluk ati aku ka nyadi tukang masak, tukang kebun enggau tukang sapu..... sigi enda kala mansa runding bala sida cigu,lutur, pulis, sedadu, indu misi enggau iya kebukai agi. sampai ke taun 6 meh juluk ati aku bisi tukang ba mua. datai aku ba sekondari baru ku nemu milih juluk ati aku bala sida cigu nay. Indu misi sigi enggai aku meda suba..... jai indu misi ko aku suba... semua indu misi mangah baka singa ko aku suba.... pun cherita aku enggai meda indu misi suba maya aku ti masuk sepital maya aku beputung kaki kiba aku tu suba. bisi siko indu misi nya ka amat nganu aku.. enggai endar aku meda iya nay suba.... enda ingat agi aku sapa nama iya nya. mak aku ingat nama iya... asal maya datai orang meri ubat alu start meh aku tusah ati. pedis endar gak ubat nya ti masuk... mutap belama iya ti meri aku ubat... sigi mayuh kelikuh aku ti beri orang ubat.... berapa kali enda aku ka lari ari sepital... sigi popular diri ku maya nya ba sepital. sigi betambit aja pintu wad laban orang enggai ka ku lari... datai maya orang dressing aku sigi regas aku.. laban bilik dressing semak enggau jalai pansut tama. tang enti aku meda pintu nya tutup orang aku alu start ngaga kelikuh enggai meri kerjasama ko orang... aruh gak tudah misi nya nyau ringat embal ka aku.... hehehehe.... ni ke lari ngagai agu meh aku enti maya datai mulan ka lari... nyau ngagau ka orang ngerepair jamban bala indu misi ba wad kena nipu aku ambi aku keluar ari agu. maya nya enti siang mak aku ngibun aku ba sepital.... enti malam tudah ini aku ngibun aku. enti maya malam enda tentu ngelangkung diri laban ti kasi meda ini enda tegagai ka aku... ka pan enggai tat ka aja pemedis antibiotik nya tama. tang diatu aku enda nyangka diri nyai indu misi... tusah meh ati laban ti enda ulih nyadi pengajar laban nya ti juluk ati aku kebendar.  baru diatu aku ngasai ka pemedis nyadi misi kelebih agi ti nyaga pesakit baka ulah aku suba... hahahaha.. nya enti aku betali alau ngagai rumah berandau enggau mak aku madah ka perangai pesakit mayuh macam.. ketawa aja iya ninga... 'nya kenya meh asai bala misi nyaga nuan suba' ko iya....

Telu..

Enti ku makai telu setengah masak runding aku alu ingat ka kaling ku ti benama Kuin Ester...

Ea tu sigi kaling ku ari mit...... tang lebuh maya masuk sekula primary ea enda besekula ba saka dia.... keteruah ea besekula ba st. Augustine ba betong udah nya ea pindah ngagai Kuching nitih ka sida aya ea... Ari kuching ea pndah ka Sibu....  Ari sibu baru ea mulai ka diri empu besekula ba Betong mayanya ea pom 2... start ari pom 2 kmi duai begulai baru nyentuk ka ngagai pom 5..... tang ba pom 6 kami duai beserara baru..... ea bulih aliran sastera ba Kedit aku bulih aliran Sains ba St. Augustine... Mulai baru ngagai kenang cerita telu..... Mayanya rambau tahun 1995 maya kami ti enggau rang sekula bula- bula....... nyadi kuin tu setiap ari tuah bebekal ka telu setengah masak..... maya bala nembiak taun 1 benung mending ka utai ajar cigu Nuyah enda mukai- mukai siko nembiak laki ti benama Mengga madah ka utai bau but... nyau chapuh meh sida ba mua din.... bala kami ke sekula bula- bula tu nadai meh enda enggau orang begau majak kediri empu ngechat gambar ti beri cigu..... bendar bala nembiak taun satu begau begiga ka bau but nya nyau ngerampit ngagai palan bala kami...... abis bala kantung kami kena peresa sida.... tudah mata bala kami pepeli aja enda nagang laban ti takut meda sida tuai agi ari kami.... kali meh datai ba beg Kuin tu tadi Mengga nya tadi tetemu ka telu setengah masak tudah tuai....  " nya tu iya utai bau but nya" ko Mengga.... enda mukai- mukai alu tikau ke Mengga terus ngagai tong sampah meh tudah telu kaling ku tu.... cigu Nuyah agi di mua din ngecek beg sida enda nemu rita Mengga tu dah muai telu kaling aku tu tadi... kebi- kebi meh mua tudah kaling aku tu tadi laban ti buai orang telu.... kasih tudah telu ti ka empa pukul 10 nyau udah di buai orang...... tudah telu nya baru panduk indai tudah paginya..... kebendar iya bau but ti sium Mengga nya datai ari beg iya empu... Telu ke di ambi iya ba dewan makai enda ingat empa iya nyau bulat dalam beg.... orang ti serah ka ea mai telu but..... iya tak iya ti empu telu but......... jai - jai Mengga maya nya... Udu beduan bala kami ngujung ka bala kami nadai agi ka nurun sekula... Bala kami ti ulih ke ingat aku enggau orang sekula bula- bula iya nya aku, Kuin Ester, Suzianna, Dexter Gedum, Sylvia Dinggu, Allan, Giverson Banta dah nya ea ke bukai enda ingat agi aku........

kenang pasal penyakit aku

saritu 30/4/12 keterubah iya aku nulis ba blog aku tu....... lama udah aku ka ngaga blog tang semampai bisi penanggul belama.... saritu baru aku bisi peluang nulis utai dalam blog aku tu alu ngias blog aku ngambi ka manah agi di peda mata...... nyadi asal ku tu ari betong...... anak tuai bagi kami diri menyadi... kami menyadi bisi 3 iku... semua indu magang..... takah kami diri menyadi 5 enggau 6 taun.... asal apai aku orang ari Batang Ai Lubok Antu.. indai aku orang ari menua Betong..... tahun 1990 iya nya mya 12 hari bulan sebelas maya aku ada ke dunya tu..... naka pengaga ati apai enngau indai kau nerima penatai aku dalam pengidup seduai..... udah aku ada kami duai mak aku alu nitih ka apa ku pulai ngagai kem balak ba kapit... maya nya apa aku gawa ba kem balak.... aku diau din sampai aku umur 4 tahun..... udah nya kami pulai ka menua. apa aku alu gawa ke brunei... kami duai mak ku tinggal di rumah enggau aki seduai ini...  maya umur  nyau ka manggai 5 taun aku nagu orang masuk sekula.... t diatu pra-sekolah ko urang.. tang maya nya sekula saka bedau bisi agi pra sekolah.... tang naka pengagit ati ti deka besekula nurun aja taja nama nadai dalam senarai.. bala pengajar pan manah maya nya deka nerima kami begulai belajar enggau nembiak taun 1 taja kami bedau cukup umur.  sekula bula-bula ko aku suba... tang meh aku enda sempat enggau orang ngapus ka tahun..... ka berapa bulan aja ku ulih enggau orang besekula.... ukai ketegal enda di asuh, ukai ketegal nadai duit tang aku sakit.... sepengudah aku pulai ari sekula lemai nya aku enda ulih bejalai.... pedis aja sepi aku.... makai aku enggai, nusu aku enda meruan... agi nusu aku maya nya..... bai ngagai sepital urang madah nadai nemu nama penyakit. meda aku enda ulih bejalai apa aku alu ngadu ka ku tungkat ambi aku ulih bejalai..... t aku gali kaki kiba aku kekitang jak baka ke di gantung.... tanya mak bisi berasai lelak ke enda kaki ku kekitang baka nya aku madah nadai....... enyau pengelama diri aku makin enda ulih bejalai.. kaki kiba aku majak nyengut... enggau ai mata aja ku nyabar diri..  sepengudah meda aku makin raya mak enggau apa aku alu begiga ka orang ngubat aku... mayuh macam orang endur aku berubat mayuh endur menua alai apa enggau mak mai aku berubat..... duit simpan pan ambis di keruk ngujung ka ndai agi........... meda aku alu nadai insur  apa enggau mak alu mai aku pulai ngagai skim skrang ia nya menua apa aku.... datai din aku alu di pegawai ka orang..... gawai nama aku enda nemu..enda ingat nanya mak aku nama gawai nya... alu bisi siko apai tuai orang nama iya Apai Lada... iya tu meh ti nemu ngubat aku.... udah iya ngama kaki kiba aku ti pedis nya dia iya madah ku kene utai di langit tauka panjuk antu ko iya..... maya nya aku sigi rerauh jak laban ti orang semak aku berasai pedia nama agi enti orang megai kaki aku.... udah bekau iya ngubat aku, aku lalu bisi insur... aku deka makai, ulih bejalai tang agi ngelalau.... tang enda mukai- mukai ari siti aku labuh ari tingkah ngujung ka kaki aku ti pedis tu aku ensepu kembai.... udahnya alu bisi utai tumbuh baka bengkak tang iya ngeluar ka tulang... gamal tulang nya baka tulang manuk ka kunyah kitai... agi simpan aku sampai ke diatu tulang nya.... meda utai nyelai nyadi baka nya mak alu mai apa nganjung aku ke spital becek ngai ka tulang aku bisi patah...... tang ba x-ray tulang ku nadai patah... rimpak pan nadai... doktor pan alit ati ari ni penatai tulang nya... maya tahun 1999 aku di operation orang laban kaki aku makin raya benanah.... tang maya aku bepotong doktor enda ingat meri aku bius... akai naka pemedis meh sepi aku maya nya... aku sigi madah mati jak maya nya.... udah bekau operation nya aku be cek ngau pakar tulang setiap bulan ngagai hospital pakar di kuching din.... aku beridup enggau ubat dalam pengelama 4 taun.... last aku becek ba pakar maya tahun 2002 suba. diatu kadang-kadang bisi gak kaki ku nyengut ti lebuh maya ari celap.... pemedis ea nyengut amat nadai endur nyema naka pemedis tang aku enggai bechek ngagai sepital laban ti jera..... dalam kad sepital nama penyakit aku engkah orang dia chronic osteomylitis......